Som 96 KreyolAyisyen
🔊 Som 96
KreyolAyisyen
0:00
0:00
- 1 Chante yon chante nèf pou Seyè a! Nou tout ki rete sou latè, chante pou Seyè a!
- 2 Chante pou Seyè a, fè lwanj li; fè konnen delivrans li chak jou.
- 3 Fè konnen glwa li nan mitan nasyon yo, fè mèvèy li yo nan mitan tout pèp yo.
- 4 Paske Seyè a gran, li merite pou yo fè lwanj li anpil. Se pou tout moun gen krentif pou li pi gran pase tout lòt bondye yo.
- 5 Tout bondye nasyon yo se zidòl. Men se Seyè a ki fè syèl la.
- 6 Onè ak majeste se devan l'; fòs ak bote se nan tanp li a.
- 7 Nou tout pèp yo, rann Seyè a glwa ak fòs!
- 8 Fè Seyè a glwa li merite a! Pote ofrann lakay li.
- 9 Adore Seyè a nan bèlte apa li a. Nou tout ki sou latè, se pou nou gen krentif devan li.
- 10 Mache di nan mitan lòt nasyon yo: Se Seyè a ki wa. Latè a ap byen kanpe, li p'ap ka brannen. L'ap jije tout pèp yo san patipri.
- 11 Se pou syèl la rejwi, se pou tè a fè fèt; se pou lanmè a ak tout sa ki ladan l' gwonde.
- 12 Se pou jaden yo ak tout sa ki ladan yo fè kè yo kontan. Se pou tout pyebwa nan rakbwa yo kontan.
- 13 Devan Seyè a: paske l'ap vini, paske l'ap vini pou jije latè. L'ap jije lemonn avèk jistis, l'ap jije pèp yo avèk verite li.