Som 95 KreyolAyisyen
🔊 Som 95
KreyolAyisyen
0:00
0:00
- 1 Vini non, ann chante pou Seyè a! Ann fè yon gwo bri pou moun k'ap pwoteje nou an, moun k'ap delivre nou an.
- 2 Ann pwoche devan l' pou nou di l' mèsi, ann chante pou li ak sòm.
- 3 Paske Seyè a se yon Bondye ki gen pouvwa, yon gwo Wa anlè tout lòt bondye yo.
- 4 Se li menm ki kenbe fon tè a nan men l'. Se pou li tout fòs mòn yo ye tou.
- 5 Lanmè a se pou li, epi se li ki fè l'; epi men l' yo ki fòme tè sèk la.
- 6 Vini non, ann adore epi ann bese tèt nou; ann mete ajenou devan Seyè a, kreyatè nou an.
- 7 Paske se li menm ki Bondye nou; nou menm nou se pèp ki nan savann li, mouton ki nan men l' yo. Si nou koute vwa li jodi a,
- 8 Pa fè tèt di, tankou lè yo te fè tèt di a, tankou lè yo te tante l' nan dezè a.
- 9 Lè zansèt nou yo te tante m', yo te teste m', epi yo te wè sa m' te fè a.
- 10 Pandan karantan mwen te fache ak jenerasyon sa a. Mwen te di: Se yon pèp ki fè move lide nan tèt yo; yo pa konnen chemen m' yo.
- 11 Mwen te fè sèman nan kòlè mwen an, ke yo pa t' ap antre nan repo mwen an.