Som 114 KreyolAyisyen
🔊 Som 114
KreyolAyisyen
0:00
0:00
- 1 Lè Izrayèl te soti kite peyi Lejip, lè moun fanmi Jakòb yo te soti nan yon pèp ki pale lang etranje,
- 2 Jida te sèvi kòm kote Bondye mete apa pou li, Izrayèl te sèvi kòm wa pou li.
- 3 Lanmè a wè sa, li kouri kouri; Jouden an pouse bak.
- 4 Mòn yo t'ap sote tankou bouk mouton; ti mòn yo t'ap sote tankou ti mouton.
- 5 Kisa k'ap pase ou, lanmè, kifè ou kouri al kache? Ou menm lòt bò larivyè Jouden, kifè yo repouse ou?
- 6 Nou menm mòn yo, nou sote sote tankou belye mouton; nou menm ti mòn yo, nou sote sote tankou ti mouton?
- 7 Ou menm latè, tranble devan Seyè a, devan Bondye Jakòb la.
- 8 Ki te fè wòch la tounen yon dlo ki kanpe, li te fè silik la tounen yon sous dlo.