Som 14 KreyolAyisyen
🔊 Som 14
KreyolAyisyen
0:00
0:00
- 1 (Pou chèf mizisyen yo. Se yon sòm David.) Moun fou a di nan kè l': Pa gen Bondye. Yo fin pouri, yo fè bagay ki derespektan. Pa gen yonn ki fè sa ki byen.
- 2 Seyè a soti nan syèl la, li gade anba sou pitit lèzòm yo, pou l' wè si gen ladan yo ki gen konprann, si gen ladan yo ki chache Bondye.
- 3 Yo tout lage kò yo nan fè sa ki mal, yo tout vin sal nèt. Pa gen yonn ki fè sa ki byen, non, pa menm yon sèl.
- 4 Tout moun k'ap fè mechanste yo, se konnen yo pa konn anyen? Y'ap devore pèp mwen an tankou yo manje pen. Yo pa menm rele Seyè a.
- 5 Yo te pè anpil, paske Bondye te nan mitan moun ki mache dwat yo.
- 6 Nou fè plan pòv yo pase pou anyen, paske se Seyè a ki tout pwoteksyon li.
- 7 Si delivrans pèp Izrayèl la te soti Siyon! Lè Seyè a va fè pèp li a soti nan prizon tounen, pèp Jakòb la va kontan, pèp Izrayèl la va kontan anpil.