Som 128 KreyolAyisyen
🔊 Som 128
KreyolAyisyen
0:00
0:00
- 1 (Yon chan degre.) Benediksyon pou tout moun ki gen krentif pou Seyè a, pou tout moun ki mache nan chemen li yo.
- 2 Paske w'ap jwenn travay men ou fè ak men ou manje. Ou p'ap gen pwoblèm, tout bagay ap mache byen pou ou.
- 3 Madanm ou ap tankou yon pye rezen ki donnen toutotou kay ou. Pitit gason ou yo ap tankou plant oliv toutotou tab ou.
- 4 Se konsa Bondye va beni moun ki gen krentif pou li.
- 5 Seyè a va beni ou depi Siyon. Ou va wè byen lavil Jerizalèm tout jou nan lavi ou.
- 6 Wi, ou va wè pitit pitit ou yo. Lapè sou pèp Izrayèl la.