Som 36 KreyolAyisyen
🔊 Som 36
KreyolAyisyen
0:00
0:00
- 1 Peche mechan an ap di nan kè m': li pa gen krentif pou Bondye.
- 2 Paske l'ap flate tèt li nan pwòp je l', jouktan li vin rayi peche l' la.
- 3 Pawòl ki soti nan bouch li se mechanste ak twonpe; li sispann gen sajès, li sispann fè byen.
- 4 L'ap kalkile mechanste sou kabann li; l'ap plannen sa ki pa bon. Li pa rayi sa ki mal.
- 5 Seyè, mizèrikòd ou rive jis nan syèl la; fidelite ou rive jis nan nyaj yo.
- 6 Jistis ou tankou gwo mòn yo; jijman ou yo tankou yon gwo fon lanmè. Seyè, ou pwoteje moun ak bèt yo.
- 7 Ala bèl lanmou ou genyen, Bondye! Se poutèt sa, pitit lèzòm yo mete konfyans yo anba lonbray zèl ou yo.
- 8 Y'ap jwenn manje plen vant yo ak richès ki nan kay ou a; w'ap fè yo bwè dlo nan larivyè plezi ou yo.
- 9 Paske, se avèk ou sous lavi a ye; nan limyè ou a, n'a wè limyè.
- 10 Kontinye montre lanmou ou pou moun ki konnen ou, ak jistis ou pou moun ki gen kè dwat.
- 11 Pa kite awogans yo mete pye sou mwen; pa kite men mechan yo deplase m'.
- 12 Moun k'ap fè mechanste yo tonbe la a; yo lage kò yo atè, yo p'ap ka leve kanpe.