Som 141 KreyolAyisyen
🔊 Som 141
KreyolAyisyen
0:00
0:00
- 1 (Yon Sòm David.) Seyè, m'ap kriye nan pye ou: prese vin jwenn mwen. Panche zòrèy ou pou tande vwa mwen lè m'ap kriye nan pye ou.
- 2 Se pou lapriyè m' lan tankou lansan, se pou lè m' leve men m' yo tankou yon ofrann bèt pou aswè.
- 3 Seyè, mete yon gad devan bouch mwen; veye pòt kote m' soti a.
- 4 Pa kite kè m' panche nan okenn move bagay, pou m' fè mechanste ansanm ak moun k'ap fè mechanste. Pa kite m' manje manje yo.
- 5 Se pou moun ki mache dwat devan m' frape m'; l'a sèvi m' pou m' pini mwen. L'a sèvi m' yon bon lwil ki p'ap janm kraze tèt mwen. Paske, lè yo nan mizè, m'a toujou lapriyè.
- 6 Lè jij yo va tonbe nan mitan wòch yo, y'a tande pawòl mwen yo, paske yo dous.
- 7 Zo nou yo ap gaye bò bouch tonm nan, tankou lè yon moun ap fann bwa atè.
- 8 Men, je m' yo se sou ou, O Bondye, Seyè. Se nan ou mwen mete tout konfyans mwen. Pa kite nanm mwen sanzespwa.
- 9 Pwoteje m' anba pyèj yo tann pou mwen yo, anba pèlen moun k'ap fè mechanste yo.
- 10 Se pou mechan yo tonbe nan pwòp pèlen yo, pandan mwen menm, mwen ka chape.