ElohimEmet

Jak 5 KreyolAyisyen

⟨ Chapit Presedan
🔊 Jak 5 KreyolAyisyen
0:00 0:00
  1. 1 Kounye a, nou menm moun rich yo, kriye epi pouse rèl pou malè ki pral tonbe sou nou yo.
  2. 2 Richès nou yo fin pouri, rad nou yo fin manje pa vè.
  3. 3 Lò ak ajan nou yo fin gate. Rouye yo pral sèvi kòm temwayaj kont nou, l'ap devore chè nou tankou dife. Nou anpile trezò pou dènye jou yo.
  4. 4 Gade, lajan travayè ki te ranmase rekòt nan jaden nou yo, lajan nou te kenbe pou kont nou an, l'ap rele byen fò. Rèl moun ki te ranmase rekòt yo rive nan zòrèy Mèt ki gen tout pouvwa a.
  5. 5 Nou te viv nan plezi sou latè, nou te viv nan lajwa. Nou te manje kè nou, tankou lè jou labatwa a rive.
  6. 6 Nou kondane epi nou touye moun ki jis yo; epi li pa kenbe tèt ak nou.
  7. 7 Se poutèt sa, frè m' yo, pran pasyans jouktan Seyè a vini. Gade, kiltivatè a ap tann bèl rekòt tè a. Li pran pasyans jouktan li resevwa lapli premye ak dènye sezon an.
  8. 8 Nou menm tou, pran pasyans; fòtifye kè nou, paske vini Senyè a ap pwoche.
  9. 9 Frè m' yo, pa plenyen yonn sou lòt pou nou pa kondane nou. Men jij la la devan pòt la.
  10. 10 Frè m yo, pran pwofèt yo ki te pale nan non Senyè a kòm egzanp pou nou soufri, pou nou montre nou gen pasyans.
  11. 11 Gade, nou konsidere moun ki gen pasyans yo kòm moun benediksyon. Nou tande pale de pasyans Jòb, nou wè bout li fin fè ak Bondye; Seyè a gen anpil mizèrikòd, li gen kè sansib.
  12. 12 Men anvan tout bagay, frè m' yo, pa fè sèman, ni sou syèl la, ni sou tè a, ni sou okenn lòt sèman. Okontrè, se pou wi nou gen pou wi; non nou gen pou non; konsa nou p'ap tonbe anba kondannasyon.
  13. 13 Si gen nan nou ki nan lapenn, se pou l priye. Si gen nan nou ki kontan, se pou l chante sòm.
  14. 14 Si gen yon moun nan nou ki malad, se pou l' rele ansyen yo nan legliz la. Se pou yo priye pou li, epi mete lwil sou li nan non Seyè a.
  15. 15 Lapriyè ki fèt ak lafwa a va delivre malad la, Senyè a va leve l'; si l' te fè peche, y'a padonnen l'.
  16. 16 Konfese fot nou yo youn bay lòt. Lapriyè youn pou lòt pou nou kapab geri. Lapriyè yon moun ki mache dwat devan Bondye a gen anpil pouvwa.
  17. 17 Eli te yon nonm ki te gen menm dezi ak nou, epi li te priye ak tout kè l pou lapli pa tonbe. Men, lapli pa tonbe sou latè pandan twazan sis mwa.
  18. 18 Epi li lapriyè ankò, syèl la bay lapli, epi tè a bay fwi li.
  19. 19 Frè m yo, si yonn nan nou pèdi chemen laverite a, epi yon lòt moun konvèti l;
  20. 20 Se pou l konnen byen, lè yon moun ki fè peche a pèdi chemen l' lan, l'ap sove yon nanm anba lanmò. L'ap kache tout peche l' yo.

⟨ Chapit Presedan Jak5