ElohimEmet

Esdras 1 KreyolAyisyen

Chapit Swivan ⟩
🔊 Esdras 1 KreyolAyisyen
0:00 0:00
  1. 1 Nan premye ane rèy Siris, wa peyi Pès la, pou pawòl Seyè a te mete nan bouch Jeremi an te ka rive vre, Seyè a reveye lespri Siris, wa peyi Pès la, pou l fè pase yon lòd nan tout peyi a, li mete l sou papye.
  2. 2 Men sa Siris, wa peyi Pès la, di: Seyè a, Bondye nan syèl la, ban mwen tout wayòm ki sou latè. Li ban m lòd pou m bati yon kay pou li nan lavil Jerizalèm, nan peyi Jida.
  3. 3 Se pou Bondye pèp li a avèk yo. Se pou yo monte Jerizalèm, nan peyi Jida, pou yo rebati Tanp Seyè a, Bondye pèp Izrayèl la, ki nan lavil Jerizalèm.
  4. 4 Nenpòt moun ki rete nan nenpòt kote l ap viv, se pou moun peyi kote l rete a ede l ak ajan, lò, byen, bèt, san konte tout ofrann yo bay volontèman pou kay Bondye a ki nan Jerizalèm.
  5. 5 Lè sa a, chèf fanmi Jida ak Benjamen yo, prèt yo, Levit yo, ansanm ak tout moun Bondye te reveye lespri yo, leve pou yo ale rebati kay Seyè a nan lavil Jerizalèm.
  6. 6 Tout moun ki te bò kote yo te ba yo tout fòs ak bagay an ajan, bagay an lò, pwovizyon, bèt, ak lòt bagay ki gen anpil valè, san konte tout sa yo te vle ofri.
  7. 7 Wa Siris te fè pote tout bagay ki te nan kay Seyè a, bagay Nèbikadneza te pran soti Jerizalèm, li te mete yo nan tanp bondye pa l.
  8. 8 Siris, wa Pès la, te fè Mitredat, responsab trezò a, konte yo pou l bay Chechbaza, chèf peyi Jida a.
  9. 9 Men kantite yo te genyen: trant plat an lò, mil plat an ajan, ventnèf kouto,
  10. 10 Trant bòl an lò, kat san dis bòl an ajan, ak mil lòt kalite lòt bagay.
  11. 11 Antou, te gen senk mil kat san bagay an lò ak an ajan. Chechbaza te pote tout bagay sa yo avèk li lè yo te depòte yo soti Babilòn pou tounen Jerizalèm.

Esdras1 Chapit Swivan ⟩