ElohimEmet

1Jan 5 KreyolAyisyen

⟨ Chapit Presedan
🔊 1Jan 5 KreyolAyisyen
0:00 0:00
  1. 1 Tout moun ki kwè Jezi se Kris la, se pitit Bondye yo ye. Nenpòt moun ki renmen moun ki te papa l', se pou yo renmen moun ki pitit li a tou.
  2. 2 Men sa ki fè nou konnen nou renmen pitit Bondye yo: lè nou renmen Bondye epi nou fè sa li mande nou fè.
  3. 3 Paske, sa a se lanmou pou Bondye, se pou nou fè sa li mande nou fè. Kòmandman l yo pa twò lou.
  4. 4 Paske, tout sa ki fèt nan Bondye genyen batay la sou lemonn. Men viktwa ki fè nou genyen batay la sou lemonn, se lafwa nou.
  5. 5 Ki moun ki ka genyen batay la sou lemonn? Se sèlman moun ki kwè Jezi se Pitit Bondye a.
  6. 6 Se li menm ki te vini ak dlo ak san, Jezikri menm; pa sèlman ak dlo, men ak dlo ak san. Se Lespri a ki rann temwayaj la, paske Lespri a se verite a.
  7. 7 Paske, gen twa k'ap temwaye nan syèl la: Papa a, Pawòl la ak Sentespri a. Epi twa sa yo fè youn.
  8. 8 Epi gen twa ki rann temwayaj sou latè a: Lespri a, dlo a ak san an. Epi twa sa yo dakò nan yon sèl.
  9. 9 Si nou aksepte temwayaj lèzòm, temwayaj Bondye a pi gran. Paske, sa a se temwayaj Bondye bay konsènan Pitit li a.
  10. 10 Moun ki kwè nan Pitit Bondye a, li gen temwayaj la nan li. Moun ki pa kwè nan Bondye, li fè Bondye pase pou mantè, paske li pa kwè nan temwayaj Bondye te bay sou Pitit li a.
  11. 11 Epi men temwayaj la: Bondye ban nou lavi ki p'ap janm fini an. Lavi sa a se nan Pitit li a li ye.
  12. 12 Moun ki gen Pitit la, li gen lavi; moun ki pa gen Pitit Bondye a, li pa gen lavi.
  13. 13 M' ekri nou bagay sa yo, pou nou menm ki kwè nan Pitit Bondye a ka konnen nou gen lavi ki p'ap janm fini an, pou nou ka kwè nan Pitit Bondye a.
  14. 14 Men konfyans nou genyen nan li: si nou mande l' yon bagay ki dakò ak volonte li, l'ap koute nou.
  15. 15 Epi si nou konnen li tande nou, kèlkeswa sa nou mande, nou konnen nou gen sa nou te mande l la.
  16. 16 Si yon moun wè frè l' fè yon peche ki p'ap fè l' mouri, se pou l' mande Bondye lavi. Bondye va ba li l' lavi tou. Paske, gen peche ki p'ap fè l' mouri. Mwen pa di pou yon moun mande Bondye pou peche sa a.
  17. 17 Tout lenjistis se peche; epi gen yon peche ki pa mennen nan lanmò.
  18. 18 Nou konnen tout moun ki fèt ak Bondye pa fè peche. Men, moun ki fèt ak Bondye a ap veye tèt li, mechan an p'ap janm touche l'.
  19. 19 Epi nou konnen nou se moun Bondye, epi lemonn antye kouche nan mechanste.
  20. 20 Nou konnen Pitit Bondye a vini, li ban nou lespri pou nou ka konnen moun ki vre a. Nou nan moun ki vre a, nan Pitit li a, Jezikri. Se li menm ki Bondye tout bon an, se li ki lavi ki p'ap janm fini an.
  21. 21 Timoun piti yo, veye kò nou pou nou pa gen zidòl. Amèn.

⟨ Chapit Presedan 1 Jan5